Հարգելի Ani, բարև Ձեզ: Քանի որ չգիտենք պատճառը որևէ դեղորայք ընդունել չարժե, հատկապես,  եթե կերակրում եք կրծքով: Ձեր նկարագրած գանգատները նման են ուրեոպլազմոզին, սակայն համոզվելու համար հարկավոր է քսուքի անալիզ հանձնել:

Հարգելի Ruzanna, բարև Ձեզ: Խնդրում եմ գրեք, շագանակագույն արտադրությունը դաշտանային ցիկլի որ հատվածում է նկատվում, և բացի արդտադրությունից ունեք այլ գանգատներ, թե ոչ: Սնկային կոլպիտի ժամանակ կարող է նկատվել բաց շագանակագույն կամ սպիտակ կաթնաշոռանման արտադրություն: Խորհուրդ կտայի հանձնել քսուքի անալիզ:

Հարգելի Anush Ghazaryan, բարև Ձեզ: Ինչ գանգատներ եք ունեցել բացի արտադրությունից, և ինչ հետազոտություն է կատարվել բացի քսուքի անալիզից: Հնարավոր է, կա մեկ այլ խնդիր, բացի սնկերից: Խնդրում եմ ավելի մանրամասն գրեք, կփորձենք օգնել Ձեզ:

Հարգելի Armine, բարև Ձեզ: Այո, ցանկալի է, որ ամուսինը ևս ստանա նույն բուժումը: Դաշտանի ժամանակ կարելի է խմել մետրոնիդազոլի հաբեր, դա հակացուցում չէ: Սակայն մոմիկներ օգտագործել իմաստ չունի, դրանք արդյունավետ չեն լինի:

Հարգելի Diana, բարև Ձեզ: Իհարկե կարող եք: Բուժման կուրսն ավարտելուց հետո հանձնեք կրկնակի անալիզ, եթե ամեն ինչ նորմալ լինի կարող եք պլանավորել հղիությունը: Խնդրում եմ նշեք, բացի "Լիվարոլ"-ից, ինչ դեղորայք եք ստանում: Եթե ստանում եք նաև մետևոնիդազոլ, գլխապտույտ, թուլություն կարող է նկատվել: Մետրոնիդազոլը հարկավոր է խմել պարտադիր ուտելուց հետո: 

Հարգելի 11111, բարև Ձեզ: Ինչ բնույթի արտադրություն է, ունի հոտ, թե ոչ:

Հարգելի Soxak, բարև Ձեզ: Չափավոր քանակի թափանցիկ արտադրությունը նորմալ է, անհանգստանալու կարիք չկա:

Հարգելի Anush, բարև Ձեզ: Երիցուկի թուրմը հակասեպտիկ է, կարելի է լվացում անել ամեն օր:

Հարգելի Armine, բարև Ձեզ: Եթե  գանգատները նորից կրկնվել են, նշանակում է Դուք լիարժեք բուժում չեք ստացել կամ բուժումը կիսատ եք թողել: Հարկավոր է ևս մեկ անգամ հանձնել քսուք և լիարժեք բուժում ստանալ: 

Հարգելի Nyne, բարև Ձեզ: Եթե սեռական ուղիներից արտադրություն կա, պարտադիր չէ, որ պտղաջրերը պղտոր լինեն: Պտղաջրերի պղտորումը ներարգանդային ինֆեկցիայի նշան կարող է լինել: Եթե արգանդ ընկերքային արյան շրջանառության խանգարում չկա, պտղի զարգացումն ընթանում է նորմալ անհանգստանակու կարիք չկա:

Հարգելի Diana, բարև Ձեզ: Համապատասխան բուժում չստանալու դեպքում տրիխոմոնիազը և խլամիդիոզը կարող են անպտղության պատճառ դառնալ: Բուժման կուրսից հետո որոշ ժամանակ անց հարկավոր է հանձնել կրկնակի անալիզ: Սեռական կյանքով կարելի է ապրել միայն լիարժեք բուժում ստանալուց հետո: Տրիխոմոնիազի դեպքում բուժումը տևում է մոտավորապես 1.5-2 ամիս, այդ ընթացքում սեռական կյանքով ապրել չի կարելի: Դաշտանի ժամանակ երիցուկի թուրմով լվացումներ կարելի է անել, ինչ վերաբերում է մոմիկներին` դաշտանի ընթացքում չի կարելի օգտագործել:

Հարգելի Anushik, բարև Ձեզ: Դուք նշում եք, որ արտադրությունն  ի հայտ է եկել հարաբերությունից 2 ամիս անց, բացի այդ նախկինում ևս ունեցել եք արտադրություն, այսինքն դա սեռական հարաբերության հետ կապված չէ: Իսկ պատճառը պարզելու համար հարկավոր է հանձնել քսուք: Ձեր նկարագրածն ավելի բնորոշ է սնկերիին:

Հարգելի Ani, բարև Ձեզ: Խորհուրդ չէի տա դիմել նման քայլի: Կուսաթաղանթի վերականգնման վիրահատություններ կատարվում են, այլ մանրամասների համար հարկավոր է դիմել համապատասխան բժշկական հաստատություն: